быстрый займ на карту без отказов

 

حجاجوفيتش ينتقد البنوك المصرية

حجاجوفيتش ينتقد البنوك المصرية

انتقد الرحالة المصري حجاجوفيتش القوانين المعمول بها في البنوك المصرية خاصة عمليات السحب من خارج مصر قائلاً: 

 

شعور أقل ما يوصف إنه "مهين و غير آدمي" إنك تكون معاك كارت بنك مصري و عايز تشتري أي حاجة برة مصر، عشان القانون الغبي اللي البنوك في مصر عملته لإستخدام الكروت في الخارج و اللي خلي أي مصري حتي لو معاه أكتر من "مليون جنيه" في حساب بنكه في مصر و معاه كارت بلاتينيوم، ميعرفش يسحب مليم كاش من أي ماكينة صرف في العالم و لو معاه كريديت كارد للمشتريات مسموح الشراء بمبلغ مالي صغير جداً "تحس إن البنك بيشحتك مش بيديك من فلوسك" و ده اللي مش بيخلي أي حد يعرف يشتري تذكرة السفر بتاعته أو يدفع أكله و شربه في مدة السفر بتاعته ، و لا طبعاً يعرف يدفع تمن الفندق و أكيد محدش حيعرف يتعالج أو يدفع تمن أي حاجة طارئة تحصله لو إتسرق أو حصله حادثة أو مات حتي و أهله عايزين يدفعوا تمن سفر الكفن بتاعه لمصر!

 

و في أي سوبر ماركت أو محطة قطار أو فندق أو أي مكان، الأجانب بيعرفوا علي طول إن الواحد اللي داخل يحاسب ده انه مصري لأنه بيبقي مكسوف من الكل الناس اللي حوليه و متوتر لأنه عارف إنه حتي لو بيشتري ٢ كيلو طماطم ، ممكن أوي إن الكارت بتاعه ميبقاش فيه أي فلوس فاضلة و بعدين يستسمح الكاشيير إنه يرجع كيلو و يشتري كيلو و بعدين يجرب تاني و بردو الكارت ميوافقش علي العملية ، رغم إن الواحد بيبقي معاه في حساب بنكه فلوس تكفي و زيادة، و في الآخر المصري يسيب الحاجات اللي هو كان عايز يشتريها و يبتدي يبرطم بشوية كلام بصوت عالي و كل الأجانب اللي جنبه يبصوله علي أساس إنه حرامي كان مقلب الكارت من حد و مش عارف كلمة السر بتاعته أو إنه فقير معوهوش فلوس و لكن نفسه يشتري حاجة و كان يستعبط و ممكن حد من اللي في الطابور يحن و يجي يتصدق عليه و يشتريله حاجة من اللي كان عايز يشتريها  😞

 

اللي البنوك في مصر بتعمله دلوقتي قمة في الجهل و التخلف و اللا مبالاه و إهانة المواطن المصري و مش بيحلوا أي مشكلة بل بالعكس بيخلوا التجار الجشعين بتوع السوق السوداء يستغلوا الموقف أكتر و أكتر، و بقي المصريين يروحوا يغيروا الدولار دلوقتي بأكتر من ١٦ جنيه عشان ياخدوها يصرفوها برة و يعرفوا يسافروا و يصرفوا و يشتروا اللي هما عايزينه برة بكرامة و عزة نفس، فطبعا الحكومة مسكتتش و راحت الحكومة عاملة قانون جديد قللت فيه للنص مبلغ الدولارات اللي الواحد ممكن يسافر بيه برة مصر ل ٥ الاف دولار .. والغريب انك لو اتمسكت و انت بتبدل عملة في السوق الموازي (السوداء) حيتقبض عليك و تتصادر كل الفلوس اللي معاك رغم ان مفيش اي بديل ليها!!

 

من الآخر كدة نظام البنوك في مصر فاشل فشل زريع و بيخلوا المصريين اللي عايزين يسافروا و بنبسطوا برة ، آخرهم يروحوا يشحتوا في شوارع و ميادين الدول اللي هما مسافرينها عشان يعرفوا يجيبوا شوية فلوس أجنيبة يعرفوا يشتروا بيها أي حاجة!

 

الصورة ل #حجاجوفيتش اثناء شراءه لحزمتين بصل في اوروبا و الكاشير مستغرب ازاي الكارت مش راضي يدفع حوالي ٢٤ جنيه مصري.. و بعد ٨ محاولات حجاجوفيتش دفع كاش!

 

Share

شارك برأيك وأضف تعليق

تابعونا علي FaceBook

Facebook Pagelike Widget

الاستطلاعات

ما رأيك بالشكل الجديد للموقع ؟

عرض النتائج

جاري التحميل ... جاري التحميل ...
جميع الحقوق محفوظه لـ بوابة شامل 24 الاخبارية - برمجة شركة داتا ايجيبت لخدمات الويب وتقنية المعلومات 2019 ©