быстрый займ на карту без отказов

 

صرخة عانس: أنا عاوزة اتجوز و”دبلة فضة” كفاية عليا

صرخة عانس: أنا عاوزة اتجوز و”دبلة فضة” كفاية عليا

 

كتبت إحدى الفتيات التي فضلت الزواج بأقل التكاليف على أن تظل فريسة للعنوسة وتقدم العمر بها، وأن تجد زوج يحميها ويحافظ عليها لا يشترط فيه الغنى أو أن يكون ميسور الحال، بل “سوا سوا” يكملوا مع بعض المشوار، حيث قالت:

انا عاوزة اتجوز و دة حقيقى
بس مش عاوزة اتجوز واحد يبقى ..
– مجبر انة يجبلى شبكة ب 30 الف مثلا .. ” انا عاوزة دبلة بس ” و لو حكم الامر يجبلى فضة ، مالها الفضة ، انا من عشاق الفضة و قيمتها عندى اعلى مليون مرة من الدهب ..
– مش مجبر انا يجيب شقة تمليك اقل حاجة ب 250 الف ، مالها الشقق الايجار ، مساحة كويسة و تشطيب كويس و عقد مثلا يكون 3 سنين بزيادة سنوية ، اهو نبتدى فيها حياتنا و ربنا يسهل و يكرم بعد كدة ..
– مش مجبر يفرش 5 اوض .. لية ؟ طيب و الله لية ! ” سفرة و نيش ، صالون ،انترية ، غرفتين نوم ” ؛ لية ؟ دة احنا 2 و لو ربنا كرم بعد سنتين هنبقى 3 .. لية 5 غرف !!
– مش مجبر يعملى فرح ب 100 الف .. انا عاوزة Dj فى البيت و الاهل و الاحباب و الاصدقاء ينوروا عندنا و نفرح و صوت فرحتنا يجلجل لحد الفجر .. نقضيها جاتوة و بيبسى ؛ ما هو خلينا متفقين ان المعازيم كدة كدة هتتكلم حتى لو عملاة فى احسن مكان فى مصر ..

انا عاوزة اعيش مرتاحة مع حد بحبة و بنا تفاهم و عهد ان الزعل بنا مايدمش اكتر من ساعة و دى لما تكون زعلة جامدة يعنى ؛ هو انا لما اطلق هعمل اية بالقيمة ؛ هرجع بيت امى بحبة عفش و شوك و سكاكين !! دول مثلا هينسونى حلمى اللى اتكسر و طلاقى !!
بس نعمل اية فى العادات و التقاليد اللى جيبانا فى الارض يوم بعد يوم ..

Share

شارك برأيك وأضف تعليق

تابعونا علي FaceBook

Facebook Pagelike Widget

الاستطلاعات

ما رأيك بالشكل الجديد للموقع ؟

عرض النتائج

جاري التحميل ... جاري التحميل ...
جميع الحقوق محفوظه لـ بوابة شامل 24 الاخبارية - برمجة شركة داتا ايجيبت لخدمات الويب وتقنية المعلومات 2019 ©