web analytics
غير مصنف

الوضع الآن في مصر.. أنت جيبت من الآخر

مش فاهم ايه اللى مخلى الاسعار تزيد والعمله بتاعتنا تنهار بالشكل ده احنا بنعمل كل اللى المفروض يتعمل عشان نتقدم اقتصاديا ومافيش اخطاء من النوع اللى ممكن يأدى لانهيار اقتصادي تقريبا خالص 

فيه حد مظلوم فى السجون ؟ 

فيه حد كفاءه ومتميز ما بياخدش حقه وما بنديلوش الفرصه عشان يفيد البلد ؟ 

فيه اى مشروع بيتصرف عليه ويتعمل بدون دراسه ؟ 

فيه اى محاباه لحد او جهه فى اسناد المشروعات ؟ 

ناقصنا اى قانون استثمار ؟ 

فيه اى مراقبه للارصده البنكيه ؟ 

فيه فساد فى الاجهزه الحساسه اللى مسؤله عن الامن ؟

فيه اى غموض يخص المعلومات الاقتصاديه ؟ 

فيه اى تعدى على ممتلكات الناس او مصادرة ليها ؟

فيه اى جهات سياديه او غيرها ما بتدفعش الضرايب او بتسخر ناس للعمل بدون مقابل ؟

ومن ناحيه تانيه كل الحاجات السيئه اللى كانت بتخلى الدولار يرتفع انتهت تماما مثلا حسن مالك فى السجن وشركات الصرافه اتقفلت 

ده غير المشروعات الكبرى اللى عملناها زى الكبارى والانفاق والمليون ونص فدان اللى اتزرعوا ودخل قناة السويس المية مليار دولار فى السنه والمؤتمر الاقتصادى اللى دخل مليارات وحقول الغاز 

انا فعلا بجد حقيقي مش فاهم احنا معمولنا عمل ولا فيه حد ادانا عين ولا ايه ؟

 

مقالات ذات صلة

شاهد أيضاً
إغلاق
زر الذهاب إلى الأعلى
Ask AI to edit or generate...