تعرف على حملة لمقاطعة الفاكهة مطلب شعبي
تحت شعار “خليها تحمض مقاطعة الفاكهة مطلب شعبى” دشن شباب مصر مبادرة لمقاطعة الفاكهة بهدف مقاطعة سعرها زبداية الانطلاق حملة مقاطعة الفاكهة من النهاردة ٢٠١٨/٩/١ الي ٢٠١٨/٩/٧ .
وقال احد النشطاء: للاسف كله بيفتي في اللي ملوش فيه
لانك يا ادمن متعرفش اولا اسعار الفاكهه في الجمله كام والكيلو بيقف علي صاحبه بكام وانا هديك مثال
حضرتك بتاخد كيلو المانجه الذبديه منه بعشرين جنيه عارف هي بقي سعرها في الجمله كم 16 جنيه وبيضيف علي الكرتونه 5 جنيه بياعه وارضيه وبيدفع نقل العربيه من سوق العبور حوالي 300 جنيه وغير مابيطلع هالك حوالي كيلو من كل كرتونه والهالك ده بيبيعه بنص التمن يعني الكيلو ابو 16 جنيه ده وقف عليه في الاخر 19 جنيه يعني بالكتير مكسبه جنيه واحد فقط لاغير * فياريت اي حد يتكلم في حاجه لازم يبقي ملم بيها وفاهم عشان منظلمش حد
وتابع آخر: أنا أفهم أن الناس دي فارشة الشارع مش بتدفع ايجار ولا كهرباء ولا ضرائب ومفيش رحمة منهم يعني ايه كل كيلو سعره زايد 10 جنية عن جوا البلد وهما اللي جوا البلد وعند كوبري الشعبوط مبيكسبوش
وقال ثالث: فعلا امبارح بيقولى كيلو التفاح 30 جنيه ف انا رد فعلى كان غزيب بقوله طيب وده معاه ضمان ولا لا كان هيتخانق معايا
