مسعفان يردان مليون جنيه لمصاب
رد مسعفان مبلغ قميته حوالي مليون جنيه الى مصاب في حادث ، مما كان له أثر كبير على رودا مواقع التواصل الاجتماعي الذين أشادوا بأمانتهم وكيف ردوا الأموال الى أصحابها.
وكتب أحد الاشخاص :
ربنا يحفظكم ويعزكم …
الشباب دول هما اللي يتقال عليهم فعلا #اسطورة و #نمبر1 مش اي حد تاااني
ف وسط اللي احنا عايشينه لسه بنشوف حاجات حلوة ونقول ماشاء الله فعلا الخير في وفي أمتي إلى يوم القيامة
المسعف / #سعد_ابوزيد
والسائق #عصام_فوزي
طالعين بلاغ الفجر بحادث ف الطريق الساحلي ببلطيم وهما بيسعفو الحالات تم العثور علي مبلغ 870الف جنيه مع مصاب
كان ممكن حد غيرهم يقول ناخد المبلغ دة لو اشتغلنا كام سنة مش هناخد نصه لكن الشيطان مايعرفش طريقه مع الناس المحترمة اللي بتخاف ربنا..وتم تسليم الفلوس و رجوع المبلغ لاصحابه لسه في ناس ماتعرفش غير طريق الحلال و رضا ربنا فقط……
تحية من القلب للابطال سعد ابو اليزيد و عصام فوزي
