من سيحكم مصر بعد السيسي؟
تحقيق : محمود القدومي
قد يكون هذا السؤال سابقاً لأوانه، أو من الصعب التكهن بإجابة متوازنة عنه، إلا أن موقع “شامل 24” طرح هذا السؤال على بعض المصريين عن توقعاتهم لمن سيخلف الرئيس عبد الفتاح السيسي في منصبه، وما إذا كان السيسي سيتولى رئاسة مصر لفترة ثانية أو فترة ثالثة، والآن نترككم مع آراء المصريين، علماً بأن الأسئلة تم طرحها أيضاً على بعض من مؤيدي جماعة الاخوان والرئيس المعزول محمد مرسي:
يقول محمد. ع من الطالبية: الغيب لا يعلمه إلا الله، فلا شك أن السيسي رجل وطني بامتياز ويحاول أن يجتهد قدر المستطاع، إلا أنه من وجهة نظري له بعض العيوب، وأهمها أن المحيطين به من جماعات المصالح “مطبلاتية”، ودول عمرهم قصير قوي ولو أي حد تاني غير السيسي قدم لهم مصلحة هيسيبوا السيسي، وهم في الأساس من أنصار الرئيس المخلوع حسني مبارك، وأنا من رأيي ان دول عايزين ثورة عليهم، ومنهم إعلاميين مثل أحمد موسى ولميس الحديدي وغيرهم، ومنهم رؤساء أحزاب زي السيد البدوي، وغيرهم وغيرهم، ولو السيسي عايز الشعب يحبه بجد يثور عليهم ويتخلص منهم، وانا في رأيي لو السيسي استمر على النهج دا مش هيكمل وهيجي بعد رئيس هيطرد كل دول لان الناس زهقت خلاص منهم.
بينما قال حمد . س، من إمبابة، وهو من مؤيدي الرئيس المعزول محمد مرسي: أنا عن نفسي طول عمري ضد السيسي وعمري ما هابقى معاه، إحنا عارفين ومتأكدين إن مرسي مش راجع وهنواصل التحدي، والي هيحكم مصر بعد السيسي لازم هيكون مؤيد للاخوان وإحنا مش قليللين في الشارع وبكرة تشوفوا.
فيما قالت بسنت رشدي، من مؤيدي السيسي: الرئيس هيكمل وهننتخب تاني وتالت بس كيدا والي هيجي بعد لازم هيكون زييه.
بينما قالت عبير رشدي من روكسي: إحنا من ثوار 25 يناير، والثورة لسة ما خلصتش والي هيجي بعد السيسي هيكون من ابناء ثورة 25 يناير، الي هي لسة ما خلصتش وخليكو فاكرين كلامي.
