وصلة ردح بين سما المصري وشيرين عبدالوهاب

سخرت الراقصة الإستعراضية سما المصري من الفنانة شيرين عبد الوهاب بعد مهاجمة شيرين لها بسبب طلب إحدى المعجبات بسما في لبنان غناء أغنية “ماشربتش من نيلها”.

وقالت شيرين في إحدى الفيديوهات التى تداولتها روداد مواقع التواصل الاجتماعى “هيجيلك بلهارسيا” و “اشربى إيفيان أحسن”، وهى مياه معدنية فرنسية.

وقامت سما بنشر صورة للفنانه شيرين تسخر منها وهى صغيرة وصورة لها وهى كبيرة قائله ” دي صورة الاخت شيرين ايام ماكان عندها “بلهارسيا ” وقالت مصر بتمسي عليكي بصورتك القديمه وبتقولك متنسيش نفسك..

وكتبت سما عبر حسابها على انستجرام: “إن كنتوا نسيتوا اللى جرى، الله يرحم أيام الكحرته

. وتابعت سما: “بصى أنا مش هقولك مصر اللى عملتك ولا مصر اللى نضفتك زى ناس كتير ماهتقولك كده لا سمح الله، لا أنا هقولك ميه البلهارسيا دى بتاعت مصر، عارفه يعنى إيه مصر ولا مش عارفه؟، هى المياه دى اللى خلتك شيرين والعيب مش عليكى العيب على اللى لسه بيقول عليكى فنانة ونجمة وانتى طايحه فى خلق الله، مرة عمرو دياب ومرة شريف مدكور وصوتى لعساف ضد أحمد جمال ابن بلدك”.

وأضافت سما: “بصى يابنتى أنا عارفة إنك بتحبى لبنان عشان ماعندهمش بلهارسيا زينا، ريحينا منك ومن لسانك على الناس وعلى مصر اللى بقى يقل أدبه حتى على مصر اللى ربتك وروحى عيشى فى لبنان والله هنكسر وراكى زير، بلد البلهارسيا ماتنفعش تعيش فيها واحدة زيك بتاعت مياه معدنيه وفساتين براندات وبارفانات وحاجات، سيبى دا للغلابة، فاكره مطعم …. اللى فى المنيل اللى نصر محروس اخدك منه وانتى بتغنى هناك بالشبشب أبو ورده؟، لسه موجود المطعم ويشهد انك كنتى مش لاقيه حتى تشربى ميه البلهارسيا لا انتى عارفه كنتى بتشربى مياه إيه”.