«حمدي الوزير» في الحضانة.. طفل يستدرج زميلته ويتحرش بها في أكتوبر
تعرضت طفلة تبلغ من العمر 3 سنوات للتحرش من قبل زميلها بحضانة بمنطقة أكتوبر، وكانت «ي . ع» إحدى الأمهات كتبت عبر موقع التواصل الاجتماعي «فيس بوك» واقعة تعرض طفلتها كندة، التي تبلغ من العمر 3 سنوات، للتحرش الجنسي من قبل طفل زميل، معها بالحضانة بعدما استدرجها وخلع ملابسها، ولامس أجزاء حساسة، من جسدها وسط غياب تام من المسئولين بالحضانة.
تعرضت طفلة تبلغ من العمر 3 سنوات للتحرش من قبل زميلها بحضانة بمنطقة أكتوبر، وكانت «ي . ع» إحدى الأمهات كتبت عبر موقع التواصل الاجتماعي «فيس بوك» واقعة تعرض طفلتها كندة، التي تبلغ من العمر 3 سنوات، للتحرش الجنسي من قبل طفل زميل، معها بالحضانة بعدما استدرجها وخلع ملابسها، ولامس أجزاء حساسة، من جسدها وسط غياب تام من المسئولين بالحضانة.
قالت الأم عبر صفحتها: «اللى حصل ان ابني الصغير سخن وتعب جدا وكان لازم اروح للدكتور بسرعة، روحت اخدت بنتى من الحضانه الساعة 2، طلعت اغيرلها قبل ما نروح للدكتور، لاقيتها بتقولى ( ماما فى هنا واوا فى البوبو)، وبتشاور على عضوها التناسلي، قولتلها مين اللى عاملك الواوا قالتلى أحمد.. قولتلها مين أحمد ده، طلع معاها فى الحضانه طب انتى كنت قالعه قالتلى اه، ليه يا كندة، قالتلى عشان اورى الميس الواوا وهو قالى اقلعى، والميس كانت فين قالتلى بره، بعد يوم طويل وبعد اعتراف الولد نفسه، لما روحنا وكندة شاورت عليه، ومدام حنان مديرة الحضانه نفسها اللى قالتلى على الولد اللى عارفة انه فيه مشكلة من ساعة ما جه الحضانه من 3 أيام، انا اقسم باللة ما هسيب حق بنتى بسبب صاحبة الحضانة، إنسانة لما اتصلت بيها وانا بصوت فى التليفون، مكلفتش نفسها تيجى تشوف المصيبة دى، ولا كلفت خاطرها تتصل بيه وقتها تتابع الموضوع او حتى تطيب خاطري، يا استاذة هناء قبل ما تفكري تفتحى 7 فروع للحضانة، كنت فكرتى تاخدى حتى دورة تدريبية تتعلمى حتى تتعاملى ازاى مع طفلة اتعرضت لحادث زى ده، بنتى نايمة فى السرير مش عاوزة تكلم حد، ولدرجة لما باباها اخدها وهو نازل تحت عند جيرانا، حكيت لطنط تحت اللى حصلها، منك لله عشان تخلى بنتى اللى مكلمتش ٣ سنين يصعب عليها نفسها، وتحكى حاجة زى دى وطول الليل، تقوم تعيط وهى نايمة ومن امبارح عاملة تضرب فى اخوها اللى عنده سنه وكانت روحها فيه ومبتسحملش عليه الهوا، انا بحسبن عليكي، حرام عليكى انتى معاكى بنات».
كان قسم شرطة أكتوبر، تلقى بلاغا من ربة منزل وزوجها، تفيد فيه بتضررها من إدارة إحدى الحضانات الخاصة بأكتوبر «حضانة تويتي»، لإهمالهم الشديد في رعاية الأطفال، مما أدى لتعرض نجلتها التي تبلغ من العمر 3 سنوات للتحرش من قبل زميل لها.
وأضافت بأنها عقب عودة نجلتها من الحضانة، في تمام الساعة الثانية ظهرا، فوجئت أثناء تبديل ملابسها باحمرار في جسدها وأشارت إليها نجلتها بشعورها بألم شديد في العضو التناسلي، وبسؤالها أكدت تعرضها للتحرش من جانب طفل بالحضانة يدعى «أحمد».
على الفور، توجهت الأم للحضانة وطالبت بمراجعة الكاميرات الخاصة بالمكان، لتفاجأ بقيام الطفل بالتعدي على أكثر من طفلة بالحضانة دون تدخل من المسئولين.
وأكدت الأم تعرض نجلتها عقب الحادث لحالة نفسية سيئة وإمتناعها عن الأكل، واستيقاظها من نومها باكية، مطالبة بمعاقبة مسئولى الحضانة لتسببهم في إيذاء نجلتها.
تحرر عن ذلك المحضر رقم 1500 إداري، قسم ثالث أكتوبر، وجار عرضه على النيابة للتحقيقات.
