أجمل مطاعم القاهرة وأشهر الأكلات بها
أكيلة القاهرة كانوا مشغولين جامد في 2016، السنة اللي شوفنا فيها أسماء قديمة في عالم المطاعم سابت الساحة وأماكن تانية كنا بنحبها مستواها اتغير، ده غير ظهور أسماء جديدة متعتنا بأكلها.الفكرة إن إحنافي كايرو٣٦٠ عندنا عوامل معينة بنقدر على أساسها نكتب تقييمنا عن المطعم، أصل الموضوع مش مجرد الأكل اللي بنشوفه وخلاص.
أكيلة القاهرة كانوا مشغولين جامد في 2016، السنة اللي شوفنا فيها أسماء قديمة في عالم المطاعم سابت الساحة وأماكن تانية كنا بنحبها مستواها اتغير، ده غير ظهور أسماء جديدة متعتنا بأكلها.الفكرة إن إحنافي كايرو٣٦٠ عندنا عوامل معينة بنقدر على أساسها نكتب تقييمنا عن المطعم، أصل الموضوع مش مجرد الأكل اللي بنشوفه وخلاص.
إحنا في المقال ده قررنا نجمع قايمة بتتكلم عن الأكل بس. هتلاقوا معانا هنا مطاعم زي مزكال وموري ونولا اللي وصلوا لقمة مستواهم في 2016، وكمان هتتفاجئوا من أسماء تانية قدرت تبهرنا. مش عايزين نطول عليكوا أكتر من كده، لو سمحتوا رحبوا معانا بأجمد أطباق جربناها في 2016.
هوت بانكو رول من موري سوشي
من أكتر الأكلات المحبوبة في منيو موري سوشي الجديدة، عبارة عن أوما ماكي رول مقلي ومحشي شريمب تمورا وجبنة بيضاء وهليون، وعليهم كافيار وشوية مايونيز بالليمون.
جراند بريسكت بوريتو من إل تشيكو
عيش التورتيا الطري المحشي كمية رهيبة من البيف بريسكت المستوي على نار هادية، ومعاه رز وفاصوليا وجبنة – نكمل ولا كفاية كده؟ الجراند بريسكت من إل تشيكو معاه ساور كريم واختيارك من صوص الشيبوتل أو الرانشيرا.
فورنو كوتوبولو من جاربي
طاجن الفورنو كوتوبولو من جاربي مليان قطع فراخ مشوية طرية غرقانة صوص سبانخ بالكريمة مع ثوم وزيتوت وبصل أحمر. قنبلة من النكهات اللذيذة.
مشروم برجر من سولت
من الأخر كفاية قطعة اللحم بتتبيلها اللي تجنن، ويا سلام على المشروم سوتيه الطازة والأمريكان تشيز وصوص سولت القريب من صوص البيج ماك. تخيل كل اللي فات ده لما يدخل بين العيش الطري الجميل. بصراحة من أحسن ساندويتشات البرجر بطعمها اللي متعودين عليه من زمان.
سجق بالكزبرة من بتاو
سجق بتاو مختلف عن السجق الشرقي اللي كلنا عارفينه.السجق معاه طماطم شيري وبصل مشوي وصنوبر وصوص كزبرة. مين كان يتخيل إن السجق كتر جماله يخليك تصوره وتنزله على إنستجرام؟
التندرولين من تافولينو
منيو تافولينو الطلياني الجديدة مليانة أطباق مبتكرة، خصوصًا طبق التندرولين المشوي على الحطب. الستيك الرهيب الغني بالتوابل الإيطالي بيتقدم فوق معجنات محشية مشروم سوتيه وسبانخ وبصل، ومعاهم صوص سويت جارليك ومربى بلوبيري وبصل روعة بطعمها المسكر والحادق.
فلانك ستيك من مو بيسترو
طبق الفلانك ستيك أكبر دليل على إن الصبر مفتاح الفرج، تخيلوا إنه بيستوي على نار هادية لمدة 8 ساعاتوبيتقطع شرايح وفوقه صوص ترياكي. الموضوع يبان بسيط، بس النتيجة عبقرية.
مشروم ريزوتو من فلامبي
مش سهل تلاقي ريزوتو جامد في القاهرة، لكن فلامبي كسر القاعدة وعمل ريزوتو بكريمة المشروم من أحسن ما يكون. يا سلام على جبنة الجرانا بادانو مع طعم الريزوتو اللذيذ والمشروم الشيتاكي والمشروم الأبيض ورشة زيت تروفل.
Shrimp & Bisk Espuma من كازلك
موس البطاطس اللذيذ على قطع جمبري صغيرة وبصل مكرمل مع صوص البيسك ورشة خل بلسمي على الوش، وفعلًا الطبق ده يعتبر إضافة جديدة مهمة لمنيو كازلك في 2016 اللي قدرت تظهر قوة مطبخهم المميز.
كاجون شريمب باستا من كريف
مكرونة سباجيتي بصوص الكريمة وجمبري متبل بالكاجون وفلفل أحمر وبصل ومشروم وعلى الوش ريحان طازة.بصراحة الطبق ده هو النجمة اللي بتزينمنيو كريف الجديدة.
تشيكن وينجز من تشيلي باز
أجنحة الفراخ اللذيذة المقلية واختيارك من صوص السويت سبايسي باربيكيو أو مولوتوف أو باربيكيو أو سويت سريراتشا. جايز تشيلي باز تخصصهم الأساسي هوالبرجر، بس الوينجز هناك ممكن حتى تتفوق على البرجر.
جورجونزولا ميلا بيتزا من إل لوفت
منيو إل لوفت الجديدة نزلت ومعاها أطباق جديدة أشكال وألوان، بس بيتزا جورجونزولا ميلا بيتزا خطفت الأضواء. البيتزا بأطرافها المنفوخة وعليها صلصة وجبنة زرقاء بطعمها المملح القوي مع شرائح التفاح الأخضر المسكرة عملوا توازن في طعم البيتزا.
بيتزا بومب من تشيلاكس
بحيرة من صوص البيتزا عليها بيبروني وجبنة سايحة، وحواليها عشر كرات من عجينة البيتزا محشيين جبنة برضه. طبعًا دلوقتي نقدر بكل سهولة نروح تشيلاكس ونطلب الاختراع ده ومنتعبش في متابعة وصفات الأكل علىTasty’s.
شوكليت شيب لافا كيك من كريف
من فترة قريبة كانت الشوكليت فوندو عن كريف هي الفتى المدلل لعشاق الحلويات في القاهرة – بس الموضوع اختلف. الشوكليت شيب لافا كيك قدرت تخطف قلوب ناس كتير، أصل بصراحة مافيش حد يقول لأ لكيكة من الكوكيز أول لما بتقرب منها بتفتح لك قلبها وتطلع بركان شوكولاتة.
وايت شوكليت فولكانو كيك من نولا
نولا السنادي قررت توسع دايرتها بره الكب كيك، والوايت شوكليت فولكانو كيك تحديدًا اكتسحت كل الكيكات التانية. هي ببساطة كيكة طرية من الشوكولاتة البيضاء محشية شوكولاتة بيضاء كتيرة جدًا وعليها شوكولاتة بيضاء مبشورة.حراااام.
Deconstructed Cheesecake من إل لوفت
طبعًا كلمة Deconstructed غريبة شوية، بس خلونا نشرح لكم الموضوع؛ هي عبارة عن قطع بسكويت مكسرة عليها كريمة بالجبنة وفراولة طازة وبولة آيس كريم فانيليا، وفوق كل الشغل ده صوص فراولة كمان. الاسم جايز غريب شوية، بس الطعم هيسحرك.
ترى ليتشي من مزكال
مزكال كان من أوائل قايمة كايرو360 لأجمد مطاعم القاهرة في 2016، ولو عايزين تعرفوا السبب ممكن تجربوا طبق الحلو الرهيب “ترى ليتشي-TresLeche”. كيكة أسفنجة طرية جدًا داخل فيها 3 أنواع حليب، مع أنواع توت مختلفة وقطع شوكولاتة وعليهم كريمة مخفوقة ورشة قرفة. تكبييير.
