السادة المحترمون: السيسي يكشف المشاكل التي تواجه مصر ويوضح كيفية حلها

كلمة الرئيس النهاردة لخصت أزمة الكهربا .. عندنا مرفق الكهرباء بيعاني من مشكلات متراكمة على مدار سنوات .. محتاجين تحديث وتطوير الشبكة الحالية .. وده لوحده محتاج 130 مليار جنيه .. غير أننا محتاجين توفير 2.5 مليار دولار لتطوير المحطات .. محتاجين خلال الـ 5 سنوات اللى جايه إضافة 12 ألف ميجاوات بتكلفة 12 مليار دولار .. ولثاني مرة في مصر تحدث أزمة بهذا الشكل المخيف .. الأولى حصلت في التسعينيات .. والمرة الثانية كانت يوم الخميس الماضي .. السيسي في كلمته اليوم للأمة المصرية عمل مكاشفه لمشاكل تانية كتير عايشين فيها من عقود ومحتاجة تضافر كل الجهود لحلها ، عندنا أكثر من 4500 قرية لا تتجاوز خدمة الصرف الصحي فيها 20% .. عندنا 51 ألف مدرس لا يوجد تمويل لرواتبهم . وغيرها من المشاكل اللى محتاجه صبر من الشعب .. ومحتاجه حكومة واعيه وعندها خطه أنها تحل بجد مش تضحك علينا بمسكنات .. وعلى فكرة المكاشفة والمصارحة هو الأسلوب الأفضل للتعامل مع الشعب المصرى .. فياريت الحكومة تتعامل بهذا المنطق ..النهارده الرئيس السيسى وضح للحكومة ولينا كل العقبات والمشاكل وأيه الحل .. قطاع الكهرباء بيعاني من أزمات من سنوات طويلة وماتحلتش ولم يتم إنشاء محطات جديدة لاستيعاب الأحمال .. لازم نوفر فلوس عشان الارتقاء بمرفق الكهربا .. مشاكل فى الصرف الصحى .. فى التعليم .. حتى فى مواجهة الإرهاب دي كانت أهم النقاط اللي تناولها السيسي اليوم في كلمته.. عشان كدة كل واحد لازم يقوم بدوره .. هى منظومة متكامله .. الحكومة تبدأ تشتغل .. والشعب يساندها .. المشاكل مش هتتحل من يوم وليله .. لكن برضه ده مش معناه اننا ما نبدأش نحل .. لازم الحكومة تبدأ من هذه اللحظة .
تابعونا على https://www.facebook.com/alSadahalMo7taramon