السادة المحترمون: وضع الأحزاب في مصر وشكل البرلمان القادم
السلام عليكم أيتها السيدات المحترمات والسادة المحترمات ، بصراحة أنا مش فاهم وضع الأحزاب فى مصر .. أو بمعنى ادق التحالفات الانتخابية اللى شغالة الأحزاب بتاعتنا فى تأسيسها .. يعنى تحالف الوفد اللى بيضم أحزاب ليبرالية بعد ما يتفق مع التيار الديمقراطى اللى غالبية أحزابه اشتراكية انهم يخوضوا الانتخابات فى تحالف مشترك .. ترجع قياداته تدلى بتصريحات معادية لأشخاص فى التيار الديمقراطى ونرجع من الاول ونبدأ تفاوض جديد .. لا وغير كده لاقينا روساء وزراء سابقين ووزراء سابقين بيتصدروا المشهد بزعم تشكيل قوائم وطنية .. لا ونلاقى رموز الوطنى طالعين يتصدروا المشهد وبيتكلموا عن الثورة .. حتى الأحزاب الاسلامية بما فيها حزب النور السلفى بيراهن على تحقيق الأغلبية .. مشهد معقد ومحتاج تحليل موضوعى عشان البرلمان القادم هيكون من أخطر البرلمانات .. وشكله فعلا مش عارفين نتوقعه .. خلونا نفهم أكتر الوضع الحزبى فى مصر من د. وحيد عبد المجيد رئيس تحرير مجلة السياسة الدولية و المستشار بمركز الأهرام للدراسات السياسية والاستراتيجية .
تابعونا على https://www.facebook.com/alSadahalMo7taramon
