حكاية الدولار المجنون
الموضوع مكانش وصول الشريحة الاولى من قرض صندوق النقد ، طلع فيه اتفاق تمويل من بنوك دولية لمده عام بمبلغ 2 مليار دولار عن طريق بيع وإعادة شراء سندات دولية دولارية طرحتها وزارة المالية مؤخرا في بورصة ايرلندا وفقا للشروط الدولية المتعارف عليها" يعني البنوك الدولية اشترت سندات دولية مصرية وده لوحدة شهادة جودة وثقة من البنوك دي لمصر وبعدين تصريحات كريستين لاجارد مدير الصندوق الايجابية عن برنامج الاصلاح الاقتصادي المصري واعد ومتوقع نسب نمو جيده .
البورصة المصرية عكست كل المؤشرات الايجابية للعالم كله وواصلت الارتفاع بقوة تخطت الـ25% وبأحجام تداول قوية ومرتفعة تخطت المليار جنيه في بعض الجلسات ..المؤشر فضل اخضر اسبوع كامل وده محصلش قبل كده ..ومحصلش من زمن في بورصات قوية زى البورصات الخليجية .
اضف على ما سبق بيان وكالة ستاندرز اند بورز اللى عدلت نظرتها المستقبلية للديون السيادية المصرية من سلبية إلى مستقرة وده هيشجع الاستثمارات جدا .
السياحة رجعت بمعدلات متوسطة ، ومستنين انها تعلا كمان بعد انتهاء اجراءات تأمين المطارات وتركيب الاجهزة الحديثة الخاصة ببصمة العين للموظفين نهاية ديسمبر .
طبعا فيه اثار جانبية زى ارتفاع اسعار مستلزمات الانتاج و الادوية وحاجات تانية ..ودى الدولة مطالبة تتعامل معاها
المهم العجلة تحركت لاول مرة من 2011 ..وبدأت تمشى رغم كل المعوقات ..والدولار مش هيطلع للمستويات العالية اللى كان فيها تانى
يتفضل اجراءات قوية لمكافحة الفساد وفتح المجال اكبر امام المشروعات الصغيرة و المتوسطة ، زيادة الاعتماد على المنتجات المصرية وتخفيف الضغط على الاستيراد .
خد الكلمتين دول ودردش مع نفسك واركن الاحباط شوية اللى انت اكيد زهقت منه ..وتفاءل باللي جاي
