ابويا كان عصبي جدا في مره انا صغير اخويا كان بيلعب في الشارع طلع وكان متعور في رجله من لعب الكوره ابويا لما شافوا متعور بيقوله مين عورك فاخويا خاف يقوله انه من لعب الكوره كان في ميكانيكي تحت بيتنا وكان عنده واد شغال فكان اخويا مش بيحب الواد ده راح قايل لابويا ان الواد ده ضربه فابويا اتعصب علي الاخر وخد ساطور كان في المطبخ ونزل جري علشان يضرب الواد وطبعا دخلت ابويا عامله زي سلامه الناجي في فتوات بولاق 😂 وداخل علي الورشة صاحب الورشة كان من النوع اللي بيترعب من خياله اول ماشاف ابويا جاي والشر في عينيه طلع يجري والصبي بتاعه معاه والنَّاس اتلمت وتهدي في ابويا وتقوله مالك يقول اقسم بالله ماهسيبه عاملك ايه بس ياحج احمد وأبويا برضوا متعصب كل ده والنَّاس فاكره ان ابويا جاي يتخانق مع صاحب الورشة مش مع الصبي بتاعه فضل ابويا قاعد لحد بليل لحد ما زهق وطلع البيت صاحب الورشة جه في الخباثه راح قافل الورشة ومروح فضل قافل يومين لحد ما ابويا قابله صدفه وبيساله انته قافل ليه مش بتفتح رد عليه وقاله ماانا خايف لتيجي تتخانق معايا وانا مش عارف انا عملت ايه ابويا لا مش انته الواد اللي شغال عندك هو اللي عمل وانا عايزه علشان عور ابني صاحب الورشة قاله بقي هو السبب والله ماهسيبه وتاني يوم ضرب الواد وأخويا واقف يتفرج من البلكونة وهو يستمتع بمص المصاصه

 

 

 

ابويا كان عصبي جدا في مره انا صغير اخويا كان بيلعب في الشارع طلع وكان متعور في رجله من لعب الكوره ابويا لما شافوا متعور بيقوله مين عورك فاخويا خاف يقوله انه من لعب الكوره كان في ميكانيكي تحت بيتنا وكان عنده واد شغال فكان اخويا مش بيحب الواد ده راح قايل لابويا ان الواد ده ضربه فابويا اتعصب علي الاخر وخد ساطور كان في المطبخ ونزل جري علشان يضرب الواد وطبعا دخلت ابويا عامله زي سلامه الناجي في فتوات بولاق 😂 وداخل علي الورشة صاحب الورشة كان من النوع اللي بيترعب من خياله اول ماشاف ابويا جاي والشر في عينيه طلع يجري والصبي بتاعه معاه والنَّاس اتلمت وتهدي في ابويا وتقوله مالك يقول اقسم بالله ماهسيبه عاملك ايه بس ياحج احمد وأبويا برضوا متعصب كل ده والنَّاس فاكره ان ابويا جاي يتخانق مع صاحب الورشة مش مع الصبي بتاعه فضل ابويا قاعد لحد بليل لحد ما زهق وطلع البيت صاحب الورشة جه في الخباثه راح قافل الورشة ومروح فضل قافل يومين لحد ما ابويا قابله صدفه وبيساله انته قافل ليه مش بتفتح رد عليه وقاله ماانا خايف لتيجي تتخانق معايا وانا مش عارف انا عملت ايه ابويا لا مش انته الواد اللي شغال عندك هو اللي عمل وانا عايزه علشان عور ابني صاحب الورشة قاله بقي هو السبب والله ماهسيبه وتاني يوم ضرب الواد وأخويا واقف يتفرج من البلكونة وهو يستمتع بمص المصاصه