عمرو مصطفى يهين «الهضبة» في رسالة شديدة اللهجة
وجّه الملحن عمرو مصطفى رسالة شديدة اللهجة للفنان عمرو دياب وجمهوره، عبر صفحته الشخصية على موقع التواصل الاجتماعي «فيس بوك»، إلا أنه حذف التدوينة بعد نصف ساعة فقط من كتابتها.
وجّه الملحن عمرو مصطفى رسالة شديدة اللهجة للفنان عمرو دياب وجمهوره، عبر صفحته الشخصية على موقع التواصل الاجتماعي «فيس بوك»، إلا أنه حذف التدوينة بعد نصف ساعة فقط من كتابتها.
وقال عمرو مصطفى: «ورحمه أبويا أنا لا عايز أشتغل مع عمرو دياب تاني ولا فارق معايا ولا بحب أجيب سيرته في برنامج لولا المعدين المتخلفين اللي بيقحموا اسمه معايا في جملة مفيدة.. خلصنا بقى مرحلة وعدت».
وتابع عمرو: «أقسم بالله العظيم لو دفعلي مليون جنيه في اللحن ما هشتغل معاه تاني أنا بحبه وبحترمه ويارب يكسر الدنيا وأنا أول واحد هيفرحله».
واختتم الملحن تدوينته قائلًا: «اتلموا بقى وسيبوني في حالي وفِي موسيقتي الفترة القادمة.. وعلشان ترتاحوا اللي هيجيب اسمه في أي برنامج مستضفني هسيب البرنامج وأقوم أمشي. ارحموني في إيه خلاص عملتله تاريخ وخلصنا ولو بتحبوه قوي قولوله ميغنيش أغانيا تاني وشيلوها من اليوتيوب ومتسمعهوهاش تاني عقابا ليا».
يُشار إلى أنها المرة الثانية التي يتحدث فيها عمرو مصطفى عن علاقته بـ«الهضبة» خلال يومين، إذ قال في برنامج «تلاتة في واحد» للفنانة شيماء سيف، إن علاقته بعمرو دياب طيبة للغاية، وتعمها مودة وحسن عشرة إلى جانب تاريخ من الأعمال الفنية الجيدة، مؤكدًا: «أنا كعمرو الملحن حاسس إنى عملت ليه كل حاجة ومش هضيف ليه تانى.. وأعتقد أن فيه جيل لازم يطلع تاني.. وأنا ممكن أطلع مطربين جدد وعمرو يطلع ملحنين جدد أيضاً فيكون في الوسط الفني موسيقى راقية بدلاً من المهرجانات اللي بنسمعها».
وأضاف «مصطفى» للبرنامج المذاع على فضائية «On E»: «الفنان هيبة ومش أنا اللي هدور على عمرو.. أنا مش معايا رقم عمرو دياب. المفروض هو اللي يدور عليا مش أنا اللي هدور عليه».
وواصل عمرو: «عمري ما كلمت مطرب وقلت ليه عندي أغنية.. لازم المطرب يجري كتير وبعدين أنا أفكر أنا هعمل ولا لأ، وده مش غرور، ولكن دي عزة نفس.. الفنان بدون كرامة عمره ما هيبقى فنان، ولو مش صادق أو منافق عمره ما هيطلع فن جيد».
جدير بالذكر أن آخر تعاون جمع عمرو مصطفى بعمرو دياب كان ألبوم «وياه» عام 2009، والذي لحّن فيه «مصطفى» 4 أغاني هم: وياه، بقدم قلبي، الله على حبك، عيني وأنا شايفه.
عمرو مصطفى لعمرو دياب: «مبقتش فارق معايا ولا بحب أجيب سيرتك»
