ياسمينا عفيفي … بنوته عمرها ٢٧ سنه عملت نقلة حضارية هاحكي لكم بس ما تتخضوش

البنت الصغيرة دي عملت نقلة حضاريه كبيره في قريتها بعد ما ايقنت ان الجهل هو سبب معظم المشاكل والفقر وانتشار الامراض في قريتها … فخلقت مبادرة( اصنع الفلك) سنة ٢٠١٣ وهي مبادرة ثقافيه لتغيير المفاهيم الغلط وتثقيف اهالي قريتها بعمل ندوات تجمع بين مفكرين وشباب القريه وتشجيع على القراءه ومهراجانات ثقافيه ، ده غير اكتشاف اكتر من ١٠٠ موهبه في مجالات كتير واشتغلت عليها عشان تنميها … طبعا مش ياسمينا لوحدها اللي عملت الانجازات دي ، شباب قريتها اللي آمنوا بيها وبفكرتها اشتغلوا معاها عشان الحلم يتحول لحقيقه … مش بس كده … ياسمينا خلقت مبادره تانيه اسمها ( اعمار المنازل) ،سنة ٢٠١٦ ، بعد ما شافت البذخ في بناء المساجد وتزيينها في حين ان البيوت اللي حوالين المساجد متهالكه ومن غير سقف يحميها من البرد والمطر … وبرضة شباب قريتها آمنوا بفكرتها وسقفوا ٦ بيوت في خمس شهور بس ، ومازالوا شغالين لتسقيف بيوت تانيه ده غير تعليم الحرف للاسر اللي ملهاش دخل او معاش عشان تكفيهم شر مدة الإيد … ياسمينا عفيفي … زهرة من زهراوات مصر … اللي حابب يكلمها من المعدين او الصحفيين … يتواصل معايا …