السادة المحترمون: وزير التعليم ينفي أخبار مشبوهة .. ووزير الزراعة برضه مش عايز يرد ع التليفون
من كام يوم كنا في مداخلة هاتفية مع الدكتور محمود أبو النصر وزير التربية والتعليم ..استفسرنا منه عن لقاء الرئيس السيسي بالمعلمين وعدة قضايا أخرى..أنا فاكر سألنا الوزير يومها هل فعلا انت قلت أن اول اسبوعين من الدراسة هيبقوا أنشطة بس وما فيش دراسة..رد الراجل وقال والله العظيم ما قلت كده ..يومين كمان الراجل الوزير لقه كلام على لسانه في مواقع تانية مش صح..كلام الوزير شايف أنه يعمل بلبلة..خصوصا وأن وزارته تهم كل بيت في مصر..وزارة التربية والتعليم استاءت من ده وطلعت بيان انهارده العصر قالت فيه أنها غير مسئولة عن أية تصريحات غير صادرة عن الوزارة سواء من خلال الموقع الرسمي لها أو عن طريق المتحدث الرسمي للوزارة، بعد ما تلاحظ في الآونة الأخيرة انتشار بعض التصريحات الصادرة عن مواقع مجهولة أو مشبوهة لا تهدف إلا لخلق حالة من الفوضى وإثارة الشك…..وأهابت الوزارة بجميع وسائل الإعلام المختلفة التواصل مباشرة مع الوزارة، أو عبر البيانات الصادرة عنها…هنا بقه أنا هروح للدكتور عهادل البلتاجي وزير الزراعة واستصلاح الأراضي أقوله واسأله شفت الوزير زميلك عمل إيه..راجل فاهم أنه لازم يتواصل مع الناس ولازم المعلومات توصل لهم صح…فعامل بيانات وجايب متحدث رسمي وكمان بيرد على التليفونات ويوضح…أنت بقه ليه مش زيه..هل شايف أن وزارتك دي ما لهاش لازمه؟؟ هل وزارتك ديه بتخدم ناس من كوالالمبور مش من مصر..هل وزير التربية والتعليم غلط وانت اللي صح…أرجوك عيد التفكير وابعد عن سياسة الأبواب المغلقة واثبت أنك بتدير وزارتك مش حد تاني..
تابعونا على https://www.facebook.com/alSadahalMo7taramon
