نروح لمشكلة دلوقتي بيواجهها أكتر من 120 طالب وطالبة من كلية الألسن بجامعة المنيا ..وعاوزين يحولوا بعد اجتيازهم السنة الأولى بنجاح ويرجعوا هنا جنب بيوتهم في القاهرة ويدخلوا كلية ألسن عين شمس..طبعا احنا عارفين ان في قواعد لقبول التحويلات من كلية لكلية أخرى مناظرة..الغريبة أن الطلبة بيقولوا ان كلية ألسن عين شمس مش حاطه أي قواعد للتحويلات ..وبالتالي الحابل مختلط بالنابل…الولاد شايفين أن ليهم حق وخصوصا البنات والكلية مش عاوزه…الطلبة حاولوا يتوصلوا لحلول مع عميدة الكلية د.نادية عبدالحميد..فقالت لهم أنها ممكن تقبل 1% بس من اللي هينجحوا في امتحان هتعملوا للطلبة دول ودي حاجة مش موجودة في اللوائح..وطلبت من الطلبة أنهم يمضوا على إقرار بموافقتهم على الشرط ده ..لكنهم طبعا رفضوا لأنه اجراء مخالف..رجعت قالت لهم أنا مستعدة أقبلكم بشرط تعيدوا سنة أولى وتحولوا من أقسامكم إلى 6 أقسام بس فاضيين عندهم..والطلبة طبعا رفضوا لأنها أقسام غير لائقة مع تقديراتهم وكلها لغات لا يطلبها سوق العمل…الطلبة حاولوا يقابلوا رئيس جامعة عين شمس الدكتور حسن عيسى ..الأمن رفض أنه يدخلهم وقام بالاعتداء على الطلبة وأهاليهم… زي ما حضراتكم شايفين في المشاهد اللي احنا عارضنها أمامكم ، من حق الطلبة مقابلة رئيس الجامعة لعرض عله مشكلتلهم ومش من حق حرس مكتب رئيس الجامعة يتعامل معاهم بالشكل ده .
تابعونا على https://www.facebook.com/alSadahalMo7taramon