السادة المحترمون: عصابات تستغل تركيب مواسير بمنطقة أثرية بالدقهلية للتنقيب عن الآثار

نروح لأخر حاجة معانا … عن أثار مصر اللي يبدو أنها هتفضل طول الوقت معرضة للسرقة ،* في منطقة أثرية اسمها تل الربع في الدقهلية ، موقع الأثار عبارة عن جبانة كباش، مصاطب، بعد أثار ترجع لعصر الرعامسة وناوس لأماسيس … في أعمار حفر بتتم في الموقع ده خلسة ، عصابات تهريب الأثار في الدقهلية بالاشتراك مع أحد تجار الآثار المشهورين في الدقهلية استغلوا فرصة تركيب مواسير في المنطقة انهم يحفروا وينقبوا عن آثار ، أنا فعلا مستغرب منطقة أثرية زي دي ليه يتم توصيل مواسير* من خلالها وهل أخدوا ترخيص ولأ لأ ، التنقيب والحفر على الأثار لسة شغال وياريت وزارة الأثار ومحافظة الدقهلية تتحرك وتشوف الموضوع ده … مش معقولة كل فترة نسمع عن بيع أثار مصرية في معارض ومزادات في الغرب وكل ده لأن سرقة الأثار لسة ما انتهتش ولسة شغالة
تابعونا على https://www.facebook.com/alSadahalMo7taramon