السادة المحترمون: جماعة الإخوان ونشر الأخبار الكاذبة

نروح لحاجة تانية تتعلق بعقلية التنظيمات المتأسلمة كتنظيم الإخوان الإرهابي … عقلية مبنية على الجهل … عارفين طبعا شركة فالكون للأمن اللي بتتولى حاليا تأمين الجامعات المصرية ، أحد مواقع تنظيم الإخوان خرج بخبر تحفه كوميدي جدا عن فالكون بيقولك ان فالكون المسؤولة عن الأمن بتعني “صقر الصليب ” وان الشركة اللي اسمها صقر الصليب هى اللي بتقمع طلبة الأزهر الشريف هههه طبعا هم حطوا كلمة صليب كنوع من التوابع الإخوانية الطائفية دي العقلية الإخوانية اللي كانت عاوزه تحكم مصر ، حتى المتعاطفين معاهم أو اللي ظهر للجميع ان هواهم إخواني عقلياتهم في الباي باي خالص ، زي مثلا محمد الجوادي اللي انتقل من قطر لتركيا وكان ضيف دائم على قناة الجزيرة القطرية ، دلوقتي مستقر في تركيا زي ما قلنا وبقى ضيف على قنوات الإخوان هناك اللي بتتمول .. الجوادي خرج بتحليل غاية في الأهمية ان مرسي فاز على السيسي 6 واحد وأن مرسي أجهض 6 انقلابات عسكرية
تابعونا على https://www.facebook.com/alSadahalMo7taramon