السادة المحترمون: وزير التربية والتعليم يطالب بإغلاق مراكز الدروس الخصوصية غير المرخصة
انهارده د.محمود أبو النصر وزير التربية والتعليم ، بعت 3 خطابات لكل من وزراء (التضامن الاجتماعى – الأوقاف – التنمية المحلية ) بيطلب فيه خطاباته التلاتة اتخاذ الاجراءات القانونية اللازمة لإغلاق المراكز غير المرخصة التى تمارس نشاط الدروس الخصوصية سواء كانت مراكز قائمة بذاتها أو قاعات ملحقة على دور العبادة أو بالجمعيات الأهلية…..وكمان طلب ابو النصر تقنيـــن نشاط المراكز المرخصة أو التى تتقدم للترخيص، وذلك بالتنسيق مع وزارة التربية والتعليم ومخاطبة السادة المحافظين لإتخاذ اللازم تجاه ذلك…..بيان وزارة التربية والتعليم بيقول أن الكلام ده بيأتي فى إطار جهود وزارة التربية والتعليم لمواجهة ظاهرة الدروس الخصوصية واتخاذ كافة الإجراءات الفاعلة فى سبيل القضاء على هذه الظاهرة والتى تؤثر بالسلب على العملية التعليمية، ولتخفيف العبء عن كاهل الأسر المصرية …كلام جميل وكلام معقول ما اقدرش أقول حاجة عنه ..بس يا جماعة مين هيخفف العبء عن كاهل المدرس الغلبان…هل مرتباته زادت..هل وجدنا بديل للدروس الخصوصية..البديل هنا لازم يبقى المدرسة..بس المدرسة مش مستعدة..قاموا عملوا مجموعات التقوية في المدارس..بس مش هو ده الحل..هو احنا هنقل الدروس من السينترز للمدرسة؟؟؟… وبعدين مفيش أى نظام تعليمي في الدنيا كلها بيعتمد ان الطالب يحصل دروة في مكان تاني غير المدرسة لأن الحصص اللي بياخدها في المدرة بتكفيه — الأسر المصرية بتدفع فلوس الدروس عشان مش لاقية تعليم كويس في المدارس ..نوجد تعليم متميز في المدارس وبعدين نحارب الدروس الخصوصية .
تابعونا على https://www.facebook.com/alSadahalMo7taramon
